哎呀！坐骨神經痛！

Christine，40歲，兩子之母，照顧初生孩子時不慎閃腰，劇痛由背部伸延到左邊小腿外側及腳背，吃過止痛藥幾天仍劇痛難當，要兩個人扶着才能進入診症室。

「救命……」從她痛苦的表情已知道她有多痛苦。「醫生，其實兩年前我生完大B時已開始有啲腰骨痛，但係好快又有咗細B，所以一路都冇理到！估唔到扭一扭就咁大件事，而家打乞嗤、咳都痛到落隻腳度……」

經過檢查，證實她左小腿外側有輕微麻痹，左腳提腿限制十分大，而神經線亦有牽引的跡象，明顯地有坐骨神經痛。腰椎X光未見異樣，但從臨床診斷，她應該患上椎間盤脫出，而腰四五節椎間盤從左後方脫出，壓着腰椎第五節神經根的機會很大。類似Christine的情況其實很普遍，尤其是女生腰部肌力相對較弱，懷孕時腰部壓力增加；分娩後又專注於照顧孩子，因而忽略腰部復健的重要。

「首先做磁力共振先，雖然臨床上大致上都可知道病發位置，但磁力共振影像對診斷及往後治療有一定用處。」「咁係咪需要做手術？」「椎間盤脫出大部分都可以用保守治療處理，如情況未改善，或有嚴重併發症出現如嚴重肌力喪失、大小便功能受損，就需要做手術啦。」手術目的主要將突出的椎間盤組織切除，從而放鬆神經線。開放式椎間盤手術已沿用多年，效果顯著。近年通過微創方法，利用顯微鏡、牽引器或內窺鏡等，把壓住神經線的軟骨切除，不但大大縮小傷口，對脊椎組織的傷害大大減低，亦加快康復。

「咁微創手術梗係好啲啦，安全啲嘛！」她說。「唔……你真係咁諗？」Christine聽見我的回答，一臉疑惑……

作者為骨科醫生

 

[信健康] 腰部劇痛可大可小? 醫生貼士派上用場！【更多健康資訊：health.hkej.com】