年紀大,係咁㗎啦?

佘冠文醫生 | 2020-02-12
腰椎狹窄成因主要因為要椎退化、增生甚至錐體滑脫,導致腰椎馬尾神經壓逼。治療一般以保守治療為主,病情嚴重則需減壓甚至融合(fusion)去處理。

中學同學Samson來電:「老友,有事請教:近來我媽媽好似有啲唔妥!」「咩事呢?」伯母是個開朗、健談的老友記。「近呢半年,佢成日都話唔想出街!以前成日同朋友去旅行,而家唔去不特止,連佢最惜嘅孫仔都唔多想過嚟睇……」「問佢點解,佢成日就話『行多少少都攰,唔周圍去囉!年紀大,係咁㗎啦』喎!」「不如你帶佢上嚟畀我了解一下啦!」我說。

3日後,伯母就在Samson帶領下在我面前出現。「好耐冇見啦伯母!阿仔話你近來好深閨喎,係咪有乜嘢唔舒服啊?」眼前的伯母容光煥發、神采飛揚,看來一點也不似有大病。

「你聽佢講啦,我老虎都可以打死幾隻!我噚日先同啲老友記打咗12圈麻將,贏咗幾底都不知幾開心!不過咁,行路就真係冇以前咁醒啦!你知我條腰不嬲都有少少唔妥,近呢半年行或者企一陣,雙腿就開始好攰;開頭都不以為意,近呢一兩個月行十分八分鐘,隻腳就攰得好緊要,一定要搵凳坐。好奇怪喎,坐一陣又行得番,不過行一陣又要坐。」她展露招牌笑容說:「年紀大,係咁㗎啦!」從她的病徵看出,她應該患上腰椎狹窄導致神經性跛行,往後的X光及磁力共振亦印證了我的診斷。

腰椎狹窄成因主要因為要椎退化、增生甚至錐體滑脫,導致腰椎馬尾神經壓逼。治療一般以保守治療為主,病情嚴重則需減壓甚至融合(fusion)去處理。因為病情發展一般較慢,所以很多病人都不以為意,認為「年紀大,係咁㗎啦!」但當病情嚴重時,不但活動能力甚至日常生活受影響,當神經線功能及大小便功能都受損時,更會錯過最佳的治療時機。

作者為骨科專科醫生

 

[信健康] 捍衛健康非難事,腰椎退化要留意!【更多健康資訊:health.hkej.com

 

熱門話題