濕疹．家．春秋

11歲男孩，異位性皮炎（常稱濕疹）發作，母親陪伴到診。電腦紀錄顯示他有過度活躍病徵及專注力問題，正接受藥物治療。

很多小朋友的「過度活躍」或「專注力不足」是內心不安的一種表達。這些不安經常來自家庭關係問題，而且濕疹和情緒息息相關。

看過他的濕疹後，我問男孩：「最近喺屋企玩啲乜先？」母親搶着回應：「淨係打機，全日淨係食一餐！」

我：「做乜唔食嘢？」男孩：「邊有心機啫？又俾人打（指住母親），我想佢快啲死！」母親偶有出手，有時用衫架打男孩。

我：「屋企有咩人？」母：「得我哋，前夫在國內，已離婚。」男孩面對母親說：「叫你做少少家務，又話攰，懶到死！」母：「屋企啲家務邊個做吖你話？」

男孩：「我特登唔沖廁，等你做吓嘢，拖地拖到一忽忽，唔乾淨！」

我：「你意思係，你擔心媽媽成日唔開心，想引導媽媽做好自己嘅嘢？佢好無動力？」男孩突然安靜了，剛才的「活躍」頓時消失。

我：「如果媽媽做好自己，搵番自己，開心番，你就唔使咁辛苦不斷提佢？」

很多小朋友心裏擔憂父母，會用自己的方式去提醒或引導父母。這些孩子（parents- watcher）都有一個共通點，就是會時刻暗地裏留意父母的一舉一動。

我轉向母親：「其實仔仔想你改變，想你堅強，想你做番自己，是出於愛。」

此刻，母親已淚如雨下：「我都知，我畀啲親戚欺負，佢都有幫口鬧番佢哋……」我忙遞上紙巾。

我面向男孩：「如果媽媽改變咗，你都要改變，做番好學生，食番正餐，得唔得？」

母親反應奇快，立刻伸出尾指：「嗱，一齊改變嘞，應承醫生，你都要乖啲！」男孩有點錯愕，但還是和母親勾勾手指。

家裏的戰場，可能，源自愛。

作者為家庭醫學專科醫生

 

[信健康] 濕疹與情緒息息相關，皮膚資訊派上場！【更多健康資訊：health.hkej.com】