矛盾

51歲女士，有鼻敏感、消化不良（dyspepsia）病史，來看掉髮。

女士：「甩頭髮甩咗好耐，試過好多坊間嘅方法都唔得。」

我：「最近仲有啲咩唔舒服？」

女士：「耐唔中肚痛同肚屙幾日，又冇食過啲唔乾淨嘅嘢，真係古靈精怪！」體重、胃口也很正常。

檢查發現頭髮少許稀疏，頭皮沒有感染或免疫系統的元素。

答案其實呼之欲出。

我：「最近有咩壓力？」

女士：「唉，做嘢嗰度好大問題。」她是船務公司的一個副主任。

「Director（主任）逼我走，President（大老闆）安慰我，話我係三朝元老，有一定嘅位置，會睇住我。但朝早一換衫返工，就好驚，好驚見到公司啲人……」

我：「難怪你會難受。咁平時你用咩方法放鬆自己？」

女士：「冇㗎，瞓下覺啦，煲下劇咁囉。」

我：「你大老闆算好吖，知你為公司搏咗幾十年，識安慰你。但你身體為你搏咗幾十年，你有無安慰過佢？」

女士茫然。掉髮、腸胃焦慮，最常見的原因是情緒。我們每天都不期然在意別人的眼光、地位，卻不在意身體忠誠地不離不棄每天提醒。

身體的聲音，就是我們最不喜歡的「病徵」。很多時候情緒是「因」，病徵是「果」。只着重用藥物蓋過病徵，想身體「收聲」，卻不處理病因「焦慮」，實在是本末倒置，人生一大矛盾也。

我勸女士學習放鬆，指導了腹式呼吸法，着她每天修煉，加點運動，就算急步走走也好。處理好「因」，何來怕「果」。

作者為家庭醫學專科醫生

 

[信健康] 放鬆心情有助解病困，心理資訊要留意！【更多健康資訊：health.hkej.com】