參演MV有工作人員確診 陳健安自揭「染疫歌手」

人氣男團MIRROR成員江𤒹生（Anson Kong，AK）和王智德（Alton）日前拍攝新歌MV後，昨日有兩名工作人員證實染疫，由於當日MV拍攝有近100人，當中不少圈中歌手都參與演出，更傳出有歌手已中招，令人人自危。
有份參演的陳健安（on仔），今日在社交網上自爆自己是該名「染疫歌手」，他留言：「原本仲有三日先做完social media detox，為咗避免大家擔心，提早出關，報個平安，證實確診🦠。」他更分享症狀先後出現次序：
Day1:喉嚨痕。
Day2:味覺無咁敏感，乾咳，頸痛
Day3:瞓覺少少發冷，少少發熱出汗，頭好赤痛，無胃口。
今日: 喉嚨痛，乾咳。
最後他多謝朋友們同大家關心，正居家隔離，要大家不用擔心。又向各位醫護致敬：「我都唔知講咩好，知你哋爆曬廠，好大壓力，辛苦晒，各位加油，互相幫助，溫柔啲。

---------

最後更新內容：

繼陳健安宣布自己確診四天後，有份拍攝MV的組合ONE PROMISE成員Anton和天衡亦宣布初步確診，而Anton本身患有骨枯，情況令人擔心。ONE PROMISE在官方Ig表示：「最近疫情嚴重，我哋ONE PROMISE四個之中，Anton同天衡都不幸初步確診，而家大家都係屋企各自隔離。收到各方好友嘅慰問，多謝你哋，大家唔使太擔心我哋，同時向所有前線嘅醫護人員講聲『辛苦晒，多謝你哋嘅付出！』，加油！大家記得保重身體，多喝水，多吃生果，多做運動，多聽音樂。撐住，一定會過的！」
MIRROR經理人花姐回覆傳媒時表示，會再為所有MIRROR成員再做多一次檢測，確保安全。