拍片自爆患大腸癌三期 67歲蘇施黃笑對抗癌路

現年67歲的前DJ蘇施黃日前在自家網上頻道中，上載短片表示確診大腸癌第三期。片中，蘇施黃身處醫院，精神不俗的她透露，當初因為發現屙血去睇醫生，發現患癌後隨即接受手術，她說：「切割咗腸，大腸轉角位切咗15cm，嗰度有個腫瘤，側邊攞咗25粒淋巴，其中3個位有感染，醫生早已經話肯定唔係第一期，驗出嚟係大腸癌第三期，佢話穩陣啲，做完手術後再檢查，睇吓有冇走去身體其他地方，骨或胸邊度。」
蘇施黃指做完手術後共住了8日醫院，現已可進食的她靠食物保持心境開朗：「開心到不得了，一個人當你食嘢覺得自己病就好病，但當你覺得同Normal人一樣就Normal，我開咗刀，咁大個症，仍然笑口噬噬，面色非常之好，最緊要心境開朗，全靠食物。」
（相關短片：https://youtu.be/p6yfsOdf4lw）