香港公營牙醫供應不足 退休婦嘆「甩晒牙」
2022-08-17
近日有電視節目探討香港牙醫服務問題，揭露香港牙醫收費普遍偏貴，而公營牙醫服務嚴重不足，政府衞生署僅設有11間牙科診所提供牙科街症服務，不少市民要排通宵取籌睇症，引起迴響。
今日，有自稱剛退休的郭婆婆致電電台節目，表示牙科收貴高昂，年輕時沒有求診，現時「甩晒牙」，她說：「影張相檢查都500幾蚊，低收入又冇津貼，一年唔食飯啲錢都睇唔好。」郭婆婆稱曾通宵排街症，但十分麻煩，醫療券2,000元亦沒有太大幫助：「造假牙要二萬蚊，醫療券幫得啲乜？」