一條線立即出關謝票 發哥新冠極速康復

現年68歲的影帝周潤發日前確診新冠，臨時暫停為新片《別叫我 ”賭神”》跑戲院謝票，更承諾康復後會重出戲院。想不到，一向有跑步健身的發哥不用多久就康復歸來，前晚更到戲院跟觀眾分享及selfie。

前晚一身黑look的發哥戴黑口罩現身，跟觀眾揮手打招呼，發哥開心地說：「大家好，頭先都見到我喺出面㗎啦！」發哥並介紹監製黃斌現身，再鬼馬地跟觀眾說：「頭先啱啱送完一批觀眾走，而家送你哋入嚟，好彩呢度唔係竹篙灣，我啱啱今朝瞓醒變返一條線，所以今晚可以嚟見你哋。」全場拍手歡呼，有觀眾叫「好嘢」，發哥：「多謝！好開心，因為我好耐冇拍過文藝戲，多謝編劇莊文強先生寫一個咁好角色畀我，多謝監製搵我，多謝白只做我好兄弟。」