壓力致焦慮 引發腸易激

48歲女士，腹瀉了兩天，腹部中央疼痛，沒嘔吐，沒吃過不潔食物，也沒上呼吸道感染症狀，身體檢查正常，沒有脫水情況。表面上是一般腸胃炎，但看她的病歷，似乎另有可能。

她近年常到診所看腹瀉，這半年已有3次，每次持續數天，診斷都是腸胃炎，安排過大便培菌，結果正常；她體重沒減輕，胃口如常，一直沒大便出血和甲狀腺症狀。她右耳掛着藍牙耳機，手機在診症過程中已響了三次，都是公司來電，狀甚忙碌，疲態畢現。

我：「你做邊行？」

女士：「我揸車嘅，出入口生意。」有一種男性的豪邁。

我：「係咪好大壓力？」

女士：「公司走咗個人，多咗嘢做。而家得我同拍檔頂住，拍檔身體麻麻哋，我唔想影響佢，自己做多啲囉。」

我：「你真係識為人着想。」

女士：「是但啦，幫得人咪幫囉。」

我：「但如果你身體想你幫吓佢先呢？有冇諗過你成日肚屙，其實係腸易激綜合症？」女士一愣。

我：「腸易激又叫腸胃焦慮症，因為你平時壓力大引致焦慮，連腸胃都變得焦慮，好容易激動，成日自己喺度郁，咪有肚痛肚瀉囉；典型病徵係屙完之後肚痛會減輕好多。」

女士：「係喇！我就係咁！應該點做？」

我：「唔好頂咁多工作，顧吓自己先，學習放低，練習放鬆技巧。靜觀、複式呼吸，或者喺屋企練習簡單運動，都一定有幫助。先處理好自己，才有能力幫人。」

最後我只給她發了到診紙。

女士：「你嘅建議係非一般建議，我會好好記住。」她面上突然有了笑容，有了生氣。

作者為家庭醫學科專科醫生

[信健康] 淺談腸胃焦慮症，醫生資訊派上場！【更多健康資訊：health.hkej.com】