抗拒吃藥有原因

一位57歲女士，患上了高血脂。這是我第一次見她。和她打招呼，一瞥之下，看見一雙不安的眼。

資料顯示她膽固醇一直偏高，但從不願意服藥。上星期抽血，壞膽固醇（低密度脂蛋白膽固醇）4.34mmol/L，偏高（如心血管風險不高，應低於3.4）。

她很注意飲食，又有適量運動，對血脂依然高企感到有點沮喪。

我：「我知你對膽固醇藥有啲抗拒。其實你對啲藥有咩顧忌？」

女士：「食開要食一世㗎喎！」

我：「慢性病每日都會影響你，你每日都控制好，咁唔好咩？」

女士：「食藥搞得一樣，第二樣嘢就會差㗎啦。」

我：「呢啲概念喺邊度睇返嚟㗎？」

女士：「網上好多係咁講。」

這些都是令醫生生氣的話，本不欲多言，但她那雙不安的眼，使我很在意。

我閉起雙眼，側着面說：「我感覺到你內心有好多焦慮不安，積聚咗好多年，我有冇講錯？」

我打開雙眼望望她，她雙眼通紅。

我：「你而家諗起啲乜嘢令你覺得好難受？」

她潸然淚下。我向她遞上紙巾盒。

女士：「都係自己頂㗎啦……」

她獨身，家人在台灣。她在香港工作，壓力很大，最近辭職。她曾患乳癌，也擔心自己身體。

我：「你有冇問吓自己頂唔頂到、辛唔辛苦？頂還頂，要畀啲情緒出嚟。照顧好自己身體先。活在當下，請你以後記住。至於膽固醇藥，你再考慮下……」

女士：「我食。」她決斷地說。

作者為家庭醫學專科醫生

[信健康] 正視抗拒食藥原因，醫生資訊可留意！【更多健康資訊：health.hkej.com】