父母愛的遲緩

6歲男孩，由父母帶同過來評估語言遲緩。一年前，他在專科做了評估，不是自閉症譜系障礙，只是語言表達發展較緩慢，已安排早期教育及訓練中心跟進。

男孩身形微胖，眼睛㘣溜溜，有點害羞。父母謙恭，衣着端莊，看來很疲倦。小孩子就讀主流小學，他表示很喜歡學校生活，而且有很多好朋友。談吐、表達十分正常。老師沒有特別說他學習有困難，成績也過得去。

這類個案必須了解一下家庭狀況。男孩和父母及比他大6年的哥哥同住。

我：「屋企裏面你有無擔心邊個呀？」

男孩：「都有嘅。」他先望向父親，然後望着母親。

我：「你想爹哋有啲咩改變呢？」

男孩：「我想佢唔好咁攰。」

拿着背包的父親補充，最近工作很忙碌。都是自己生意，太太也在幫手，每逢星期六日都要帶着男孩一起工作，期間只能給他手機作娛樂。因此，男孩便沉溺於電子遊戲。

我：「咁你又想媽媽有咩改變？」

男孩：「想佢唔好成日鬧我囉！」

我：「小朋友喺屋企感受到你哋嘅焦慮同不安，又想跳出來幫你哋，自己又要讀書，對一個6歲嘅小朋友嚟講係好難處理。亦因此𧗠生好多專注不足、學習障礙。藥物同訓練都唔可以取代小朋友喺家庭裏面得到嘅安心。當現實生活中冇乜滿足開心，但喺虛擬世界容易搵到獎賞同滿足感時，就梗係投入去打機啦。如果你哋能夠先處理好自己嘅情緒同彼此嘅關係，多啲同佢溝通相處，你會發覺小朋友會有好大改善。」

一個家，一個地方，如果大人的情緒有問題，小朋友又怎可能沒問題？盼望大家切實對待自己的情緒及家庭關係，才能真正造就下一代。

作者為家庭醫學專科醫生

[信健康] 情緒可影響小朋友，精神資訊要留意！【更多健康資訊：health.hkej.com】