分享更年期心路歷程 鍾慧冰坦言變老感難受

現年65歲、1979年度港姐季軍鍾慧冰，最近接受電視節目訪問，分享在更年期的狀況及感受，坦言因容貌愈來愈老而感難受，更因潮熱而令脾氣暴躁，她說：「知道自己更年期，首先係因為有潮熱，突然會覺得好熱，成日好忟憎，最明顯係好容易喊，小小事都會喊，就連睇喜劇都喊，有一段時間懷疑自己抑鬱，好難面對自己，尤其係當發現個樣愈來愈老，有次發現自己條眼眉斷咗，心諗：『死喇，唔通更年期會甩眉毛？』但望真啲，原來唔係甩，喺嗰節眉毛變白，感覺好難受，喊咗好耐。」
除潮熱外，鍾慧冰直言亦有尿頻出現：「尿頻好嚴重，同朋友去旅行，上巴士前個個都排隊去廁所，去完廁所上巴士坐低兩分鐘，又會急，車未開已經來來回回去咗兩、三次。」
雖然深受更年期症狀困擾，不過她幸身邊有好多好友互相照應：「有個姊妹係『至八會』成員，記得有次食飯，佢突然好忟、流晒汗、面紅晒、發脾氣，之後問佢係咪更年期，佢第日去睇醫生，我哋就係咁互相開解。」鍾慧冰坦言每次見到頭上多條白頭髮，都會感到不開心。