新歌籲勿強行忘記悲傷 陳健安借掛念走出陰霾

唱作歌手陳健安日前上架新歌《好好掛住》，MV除了請來AK@MIRROR （江𤒹生）、商台DJ飛機（江慧楓）、以及《全民造星V》參賽者Tiger Foo（符紀男）參與演出外，更由繪畫導師CC Wong指導MV主角畫出內心最掛念的東西，達到自我療癒的效果。

MV開始，一段陳健安的獨白道盡了MV主題：「掛念」並不應該只純粹帶來痛苦，應該盛載更多關乎生命本身的意義，「我覺得冇人可以主動忘記一啲嘢。我哋應該要好好掛住一啲嘢。每次回顧都係一個沉澱過程，變成你前行嘅動力。」CC Wong表示也經歷了不少情緒問題，繪畫令她得到平靜和傾訴。AK在MV當中畫了一幅抱着年初逝世的愛貓花花輕吻掃毛的照片，完成後AK抱抱陳健安，他指仍記得小時跟花花初見面的場面：「那時只有你從貓群中走近我們。如果你現在希望用任何形式再跟我們見面，我們都可以。」而DJ飛機則帶來了自己的舊居。「這次可以帶着自己的故事，甚至覺得是帶着家人去完成這件事。謝謝陳健安總是細心感性，才讓大家到找到出口。」

另外，《全民造星V》參賽者Tiger Foo的畫作紀念亡母，他說：「我8歲開始同媽咪一齊住，到我10歲時，媽咪突然喺屋企過咗身，當晚好突然，但10歲嘅我都唔知應該點樣反應。你好似冇咗啲嘢，但你又唔知應該用咩心情去面對。大個之後會諗返同媽咪嘅一啲回憶，好想媽咪喺度陪住自己。」Tiger畫作分開了兩個部分，一邊色彩較鮮艷、代表當他快樂時，無法與母親分享，另一邊是灰色，代表當Tiger灰心失意時，感到母親一直陪伴在自己身邊。「好希望專心做好而家生活裏每一樣嘢，畀媽媽睇到，我係一個成長咗嘅自己。希望你在天上見到我做每一樣嘅嘢，希望你會喜歡我每一個作品，因為每一個都係因為你衍生出嚟。」