曾因病情嚴重害怕沮喪 祖兒：幸有觀眾包容
2023-08-24
歌手容祖兒昨晚在灣仔演藝學院舉行第30場《ANOTHER SIDE…JOEY•MY SECRET•LIVE》演唱會，昨晚是慈善場兼原本尾場的日子。
完騷後祖兒接受訪問，談到演出期間一度因病而要停工10日，心情曾相當沮喪和迷惘，演出3度改期，她甚至想過不如取消餘下的全數場次。她說：「尤其是而家啲感冒好耐先好返，我食咗西藥個人好攰、好散，把聲未咁快返到嚟，但已經延咗3次期覺得延無可延，心情係好頹、好沮喪，我同同事講，不如取消晒佢啦，因為我都冇信心做。」走出患病陰霾，祖兒說：「事實證明再開始演唱會後，把聲都仲病病哋，好彩觀眾好錫我，好包容，畀咗好多力我，慢慢一路愈嚟愈好。」