感冒菌入耳頭暈作嘔急送院 秦沛兒子聽力剩15%

藝人秦沛兒子姜文杰昨日在社交網留言，自揭患重感冒送院，稱病情嚴重到即使戴耳機都完全聽不到聲音，昨日凌晨5時要召救護車送院，他留言：「深夜開始嚴重頭暈，成晚趴喺馬桶度，只要稍微郁吓都會嘔最後終於頂唔順。」

入院後做腦部電腦掃描，姜文杰指醫生估計他因病毒攻擊耳膜神經，以及掌管平衡的「耳石移錯位」，導致聽力受損。他留言：「我狀況比平時啲Case嚴重，會為我安排一系列治療，包括類固醇，而我更需要做進一步測試，因為我天旋地轉都幾唔妥，同埋左耳嘅能力目前得番15%功力，有啲高頻聲音更近乎零。」醫生指他頭暈可能會持續數月至一兩年，要視身體而定。其妹妹姜麗文昨午出席活動時，亦表示姜文杰昨日仍在留院。