新生

69歲男士，乙肝帶病毒者，2023年中時因肝衰竭，接受了換肝手術。他今天由女兒陪伴過來，女兒短髮，貌甚剛強。

伯伯：「我條脷麻痹咗幾個月！」細問之下，在他接受肝臟移植前半年，出現了左側三叉神經痛。這個就有關係。三叉神經的其中一個分支若受到影響，會有同一邊舌頭嘴唇麻痹和感覺差異。和伯伯做檢查，沒腦神經問題。但舌上見到不少牙印，檢查過程他也顯得很緊張。我問女兒：「伯伯平時都好緊張？」女兒道出辛酸：「唉，一年前佢仲揸緊車，突然話面痛，診斷係三叉神經痛。佢好緊張，搵好多醫生，食咗幾隻抗神經痛嘅藥，食到佢瘟瘟沌沌（很多神經痛藥物會產生睡意），連車都揸唔到。之後個肝差咗好多。」

伯伯因情緒和可能的藥物影響，加上本身乙型肝炎病毒，肝功能急轉直下，而且有肺部感染，接着腎、心臟和呼吸亦一同衰竭，命懸一線，由主診醫生護送到教學醫院，直接進入深切治療部（ICU），然後接受換肝手術。女兒連父親幾月幾號進入ICU都清楚記得。她心裏的焦慮痛苦，不比父親少。

很多神經痛背後都藏着情緒問題。我跟伯伯說：「脷痹，係神經痛嘅後遺症，亦係你過去呢兩年痛苦嘅痕跡。換咗肝之後，你就係一個新嘅生命。新生命唔應該因為以前嘅嘢而影響到。請你向前望，搵多啲新興趣畀自己，過好生活，咁樣，你同你身邊嘅女都會好過。」

我告訴伯伯，不需要再覆診了。他站起來（女兒立即扶住他），卻沒步出診症室。我看着他，見到他左邊眼角的淚痕。他頓了一下，對我說：「我好感觸，多謝你嘅一番說話。」說着，向我一揖，逕自步出。

作者為家庭醫學專科醫生

[信健康] 患病背後易情緒變化，醫生資訊要留意！【更多健康資訊：health.hkej.com】