前線哭訴急症室爆煲 網民心酸：醫護加油

伊利沙伯醫院昨日召開員工大會，講解將轉為專門接收新冠患者安排，而急症室顧問醫生兼前部門主管何曉輝在發言期間，當提到最近一個月來的醫療壓力時，就語帶哽咽：「佢哋入唔到院⋯⋯就留咗喺我哋急症室，我哋啲同事，呢個月，捱得好辛苦⋯⋯」最後更感觸落淚，觸動到多名在場醫護人員，身旁的伊利沙伯醫院行政總監張復熾，亦有拍拍他肩膀予以安慰。
該相片在網上瘋傳，有伊利沙伯醫院醫護更在網上討論區表示，由於病人太多醫院根本分流不到病人，急症室等候入院者「床貼床」，更有多名病人只能夠瞓地上「擔架床」。而陽性同陰性病人又放埋一齊，最後變成交叉感染。「個個都係咁做，無人唔願意做，大家一齊頂，唯有成班同事喊完走出去再做。」得知如此情況，不少網民都非常心酸，更鬧爆日前首發的「緊急警示系統」勞民傷財，不如將資源留給醫護，又紛紛留言為前線醫護打氣。