心跳．回憶

32歲女士，懷孕20周，常感心跳、頭暈，到急症室就診後並沒大礙，轉介過來跟進。

她病徵已有多年，惟近來加劇，並非懷孕可以解釋。她曾到私家專科就診，24小時心電圖、心臟超聲波顯示一切正常。最近急症室抽血檢驗，血色素、電解質、甲狀腺素也全部正常。

我：「最近有咩令你覺得好大壓力㗎？」

女士已眼泛淚光。

兩個月前她轉了職，正在適應新環境。言談中覺得她很在意其他人，常要注意討好他人。這就值得探討一下她的原生家庭。

我：「你有幾多兄弟姊妹？」女士：「有個家姐。」我：「細個父母對你點㗎？」女士：「都好關心我，不過嗰陣佢哋成日嗌交。阿爸會用沉默嚟控制成個屋企，跟住就冇人再出聲，好得人驚。我通常會問吓阿媽點樣嘅。不過都係唔係好敢出聲。」 無聲的情緒勒索，也令人恐懼。

我：「而家佢哋點樣？」女士：「而家好啲，不過有咩爭拗都係我出手調停。」我：「家姐又有咩反應？」女士：「佢通常好少理。」

我：「你由細到大都擔心父母，背負埋父母嘅感情，自己又要適應新工作，就嚟又再做媽媽，壓力都唔簡單喎！」

我話未完，她眼淚已掉下。

我：「長年嘅背負，令到你身體神經系統超出負荷，造成一啲好似好難解釋嘅病徵，例如心跳同頭暈。其實身體喺度提醒緊你，要注意返自己多啲，做好媽媽嘅角色，父母嘅關係應該交返畀佢哋自己處理。你自己要練習放鬆。太多顧慮，反而對而家自己嘅家庭唔公平，對自己嘅身體唔公平。」女士猛然點頭。我們要常常留心身體訊息給我們的意義。

作者為家庭醫學專科醫生

[信健康] 留意心跳對身體影響，健康資訊要留意！【更多健康資訊：health.hkej.com】