基層醫療是瑰寶

冼銘全醫生 | 2022-12-28
基層醫療,可從人的身心社靈看出一種方向。最基本的,是最重要。

48歲女士,回來覆診高血壓。
她有驚恐症多年,在專科覆診,也一直服用情緒藥。
女士:「最近經常頭暈。」
沒有天旋地轉的暈,沒有其他神經系統病徵,心跳也正常。經期血量不多,最近周年檢查抽血一切正常。雖然有頭暈,但是仍工作如常。
我:「最近瞓覺點樣?」女士:「瞓得唔好。」我:「最近有咩擔心?」女士:「都係擔心啲仔女啦,唉……」
女士已離婚多年,獨力撫養一對子女,如今女兒26歲,兒子21歲,日憂女兒沒工作,夜憂兒子學業。她小時候父母對她不甚好,之後也常受前夫咒罵,二十多歲已出現焦慮及驚恐發作。她的路真不容易。
我:「你最擔心頭暈影響你啲乜嘢?」女士:「我就驚做唔番美容呢行呀,做咗咁多年,又驚啲細路冇得食。」
我想,都不是「細路」了吧!這年紀應要學會自立。
太維護孩子,想必來自她昔日的創傷;但是如此下去,孩子難成長。
我:「聽你講咗好多都係擔心啲仔女,你有冇擔心過自己?」女士:「都冇時間擔心自己啦。日日做嘢都忙到死。」
我:「唔好介意我直接,我感覺到你係冇乜自己,冇乜理過自己感受。所以而家逼到身體提醒你啦。頭暈同失眠係因為你從來冇放鬆過自己,神經系統紊亂,導致感官失調,亦進入唔到正常睡眠循環設定。如果能夠多啲注視番自己,令身體放鬆,身體自然唔需要用病徵去提醒你。」
女士頓了一下,語氣帶點感慨:「我承認,擺得太多時間喺仔女身上,會好好反省一下。雖然今日只係短短幾分鐘,但係真係相當有價值,多謝晒!」
基層醫療,可從人的身心社靈看出一種方向。最基本的,是最重要。
作者為家庭醫學專科醫生

[信健康] 捍衞健康非難事,健康資訊要留意!【更多健康資訊:health.hkej.com

熱門話題

健康精選