輕井澤半馬創個人佳績 梁諾妍完賽感動爆喊

藝人洪永城太太、模特兒兼健身教練梁諾妍（Inez）日前在社交網分享，早前到日本參加輕井澤半馬拉松賽事，更在賽事得到個人最佳成績（PB、Personal Best ），完賽後她更感動爆喊。她留言稱今次雖然是跑半馬比賽，實際上比全馬辛苦太多，到跑完後都差些「企唔穩」，衝過終點回氣後，梁諾妍為自己突破4秒而超激動，她留言：「輕井澤半馬拉松完走時間1小時45分33秒，我PB了，比我2019 年喺烏茲別克做嘅時間快 4秒，今次未跑前真係覺得我呢世都唔會再PB到烏茲別克個時間，真係好黐線，係辛苦得返嚟做到自己目標成績嘅喊，係呢幾個月一直自己努力堅持訓練嘅喊，仲係估唔到自己生完 Sir face 後都可以做得到而喊，4秒我已經好滿足，那怕只快1秒，都係比以前嘅自己進步了，好耐冇試過完走雙腳可以抽筋抽得咁勁，我諗我真係用盡奶力去跑的了，做人最緊要有目標，所有嘅辛苦所有嘅痠痛都係值得。」
梁諾妍與洪永城於2021年結婚， 同年年底女兒Sir face出世。婚後，梁諾妍仍不減熱愛跑步，在社交網分享女兒照片外，最多的是她跑馬拉松的照片。