喪妻後首度談感受 詹瑞文走出悲傷學懂愛

現年57歲的藝人詹瑞文（現名詹昊宸）昨日在其YouTube頻度中，與徒弟兼好友蔣怡開直播，剖白他的第二任太太兼經理人Amenda今年4月病逝後的心路歷程。喪妻後首次露面的他，談到如何看待離別，Amenda離世對他生命的啟發，以致如何走往後的路。

片中，詹瑞文向蔣怡談起Amanda時，言語間已透露自己不捨之情，說到與Amanda最後四個月，詹sir終於忍不住流眼淚，他說：「我好感恩人生裏面認識到佢，同埋一齊生活嗰十年，每一天都咁濃烈⋯⋯有一瞬間，我會覺得點解咁短？我哋兩個一齊嘅時間點解咁短？可唔可以⋯⋯長啲呢？」

詹瑞文指失去所愛後，也影響他的人生觀：「人生要有希望，如果只要結果，人生會好痛苦；另一課題愛，愛係一生都要學習，喺嗰四個月裏面，我哋每一日都體驗同經歷，講緊嘅愛唔止我哋兩個，仲有朋友。由佢病，到同佢行到最後，我人生有好大轉變，知道之後做嘅嘢好唔同，因為生命唔係只留於軀體上。」現在他已學懂將情轉換，令自己過積極人生，他說：「首先啲人會講啦，詹sir你咁傷心，一個對你咁重要嘅人走咗喇，我會點呢？好多人會關心，我會唔會好頹廢呀？我覺得我好識take care我自己⋯⋯」