孻女心臟有問題 吳雨霏籲支持病童家庭
2023-10-30
歌手吳雨霏昨日到西九文化中心，應邀出席兒童心臟基金會舉行的「心連心慈善運動日2023」擔任愛心大使，並即場接受運動挑戰，呼籲大家要多做運動，保持身體健康。
吳雨霏與丈夫洪立熙育有一子兩女，惟孻女Noa在出生前發現先天心臟有問題，原來基金會主席周啟東醫生，曾負責治療吳雨霏的囡囡，吳雨霏說：「嚟到好有親切感，見返周醫生，佢有睇我囡囡，幫手照顧囡囡，好多謝你！好多家庭需要支持，無論經濟上同壓力上，仲有特別心理上，大家一齊加油。」她謂為做健康好榜樣，每日都會做運動：「做運動好緊要，我嘅小朋友從小養成習慣，自己每星期打網球、行山，帶小朋友接觸大自然。」
周醫生呼籲病童不要氣餒，他說：「雖然治療有時好辛苦，希望大家鼓起勇氣面對人生，尤其而家治療大部份好有效，可以好似普通小朋友咁成長。」他表示每年舉辦籌款活動，幫助患先天性心臟病童和家庭，「唔只醫療上幫助，希望幫助佢哋有全人發展，成日病入院接受治療同覆診影響生活同學習，以致信心同社會適應各方面，所以有全能活動，甚至對家長心理輔導等等，希望得到各界捐款支持。」