出山任許廷鏗MV女主角 欣宜掃走陰霾復出

藝人鄭欣宜（Joyce）今年4月突然「失聯」，一度被傳情緒出問題，其後欣宜不時被人拍到並在社交網中貼出合照，欣宜雖狀態不俗，但仍清瘦不少。日前歌手許廷鏗分享新歌《一場同學 》MV預告，片段中看到欣宜背影，其後，許廷鏗證實好友參與演出，並指欣宜精神狀態「澎湃」，相信她好快回歸幕前工作。

今日零晨《一場同學》MV正式上架，欣宜在MV中有大量戲份，而她的身型和精神較8月、被網民捕獲時明顯更飽滿。而MV出街前，許廷鏗就獨自開直播分享今次合作：「睇之前大家都知Joyce有出現，其實佢諗緊用乜場合再喺娛樂圈出現好啲，諗諗吓佢話不如直接喺我MV中出現。我表面上冇乜，但內心好touch，我覺得佢呢件事好重大，佢好信任我，對佢嚟講咁重要嘅事，交託去畀我，攜手一齊comeback。」許廷鏗指亦曾陪歌手之一的林欣彤走過傷病：「我好樂意做呢啲角色，當然我唔希望有人引退，但呢行總要有啲時間要去調整，有時可能需要多啲時間，要講嘅係佢而家嘅狀態好好，甚至幫咗我好多去演呢個角色。」