知心為上

72歲女士，有高血壓、糖尿、高血脂病史，由女兒陪同回來覆診。上次來看雙腳，診斷是血壓藥份量上調導致的腳腫（某類血壓藥幫助血管擴張，但同時引致腳腫，其實對身體無害）。之前腎功能正常。
我：「最近腳腫點呀？」
女兒搶先報道：「你同我話吓佢啦，佢好鍾意睇醫生，食好多藥，又話個腎差咗……」看到她在私家醫生驗的腎功能，心知不妙。比之前差了一大截。
我：「最近有無食啲新嘅藥？」
女兒拿出幾袋私家醫生的藥，有新的糖尿藥，卻見到利尿劑（俗稱去水丸）有重複，因幾位醫生想幫她處理腳腫，然而女士不太明白，重複使用利尿劑，份量顯然過高，會影響腎功能。其實沒人很喜歡看醫生吧！她內心一定充斥許多不安。
我：「你而家同邊個住？」
原來女士本來和丈夫長居英國。不過，丈夫行動不便，出入十分困難，便聽取女兒建議回港定居，現和女兒同住。
我：「你喜歡英國抑或香港？」
女士掩面，女兒逕自走到後面的座位坐下，拿出紙巾，兩人已淚流滿面。
我讓她們平靜一下。
女士開口道：「我掛住阿仔，喺嗰邊我成日去墓園睇佢……」原來兒子在那邊過世，這是天崩地裂的痛。不安與恐懼，成了常常看不同醫生的理由吧。
我：「我睇到你嘅難受。但你要處理好自己，天上嘅仔先唔會擔心㗎喎。不如我哋今日行啱方向先，停晒啲去水丸，飲適量嘅水，我希望個腎會好番，得唔得？」
女士拭去淚水，回答：「我應承你，照你做法，唔再不斷睇醫生！」
要改變行為，先理解人心。
作者為家庭醫學專科醫生

[信健康] 調整心理面對病情，醫生資訊要留意！【更多健康資訊：health.hkej.com】