樂觀抗癌看淡生死 顏國樑願做大體老師

現年73歲的資深演員顏國樑日前接受無綫節目《StarTalk》訪問，向觀眾分享現時身體狀況，早前他在台慶時透露患上鱗狀細胞癌，已接受4次免疫治療及化療，導致聲帶與以前不同，無法發出低音。樂觀抗癌的他在節目中表示，已簽紙參加香港大學的大體老師計劃，即使死後也想貢獻社會。顏國樑說：「我2013年參加咗港大嘅大體老師計劃，咁而家張卡係咪畀你（醫生）？」他表示知道做大體老師嘅人，離世後遺體要即時處理。
對於生死，顏國樑表示早已看淡：「其實死亡都係輪住嚟，生老病死邊個避到？好多個走咗，子明哥（余子明）、嘉玲姐，睇你點走，可以避到就避，避唔到就去做大體老師，有啲意思，走嘅時候對社會有用，我生前帶畀大家快樂，死後對大家身體都有啲幫助，等醫生劏落我度，我又唔痛，好過錯手割落病人身上。」他透露目前已接受4次化療，而醫生指他的情況不錯，只是化療令他的頭髮脫落。他希望待身體康復後，可以答謝治療他的醫護團隊，以及關心自己的朋友，並希望可以再度拍劇，帶歡樂給觀眾，「其實我一早交代晒之後嘅事，冇乜遺憾，一切都交由上天安排啦！」