睇人面色甚艱難

返工辛苦「要睇人面色」！香港女子重劍世一江旻憓（Vivian）摘下奧運金牌後，旋即加入馬會工作，日前這位職場新鮮人被傳媒問到返工感受時，笑言適應新工作並不容易，更直率地「我口講我心」！

返工辛苦兼要睇人面色是很多打工仔心聲，只是內心敢怒不敢言，害怕飯碗不保！昔日工作關係，所以較多職場求助個案，尤其來自金融圈，上班一族有苦無路訴，結果屈到情緒病，例如抑鬱、焦慮，甚至免疫系統疾病等等！

常見生理反應包括失眠、頭痛、頭暈、發燒、肚痛、肚屙、心跳、嘔吐、食慾不振、掉頭髮等等，開會前及星期日上班前夕，病徵尤其明顯。常見心理反應包括發噩夢、心慌、焦慮、自責、想法負面、易發脾氣、逃避、收到特定人物的電郵及WhatsApp時心跳加速及恐慌等等。

影響身心健康

返工長期睇人面色，固然有機會引發不同情緒困擾或心理障礙。此外，職場欺凌、職場性騷擾、辦公室政治、工作量過多、工時過長、工作環境及同事態度不友善等等，都是打工仔經常面對的職場困擾及壓力源頭，未能適當處理及疏導，便會影響身心健康！

在上班時長期睇人面色，有機會引發不同情緒困擾或心理障礙。

然而，大家可有發現，面對同一難堪處境，各同事不同的應對方式可產生截然不同效果。就以返工「睇人面色」為例，假設老闆EQ較低、喜歡聲大夾惡突顯威勢（公平一點，下屬或同事之間都會畀面色人睇），同事A可能會想老闆正在發脾氣，自動過濾老闆的面色及言詞，處之泰然，放工就是放工，界線清晰！然而，同事B卻把老闆每句難堪說話銘記於心，對號入座，發夢都被老闆鬧，總被別人面色及情緒牽着走！這些可能和心理狀態及抗壓能力有關。

自我意識低落

面對同事B的求助個案，除了聆聽他們訴苦，更要協助紓緩因工作壓力而引發的身體反應及逐步重建抗壓能力！人人處境及困難不同，實在難以一概而論，但我發現當中都會出現一些共通點：缺乏安全感、自我意識低落、介意別人目光、以工作來判斷存在價值等等，因而容易被人牽引。嘗試學習認識自己、面對自己、克服心理障礙，才可讓自己走得更高更遠！

作者為註冊藝術（表達藝術）治療師（ANZACATA）

[email protected]

[信健康] 面對自己克服障礙，精神訊息派上場！【更多健康資訊：health.hkej.com】