潛在的能量

49歲女士，高級行政人員打扮，端坐在我面前，訴說頭部不適。「右邊頭皮發麻，有成半年，每次維持十幾秒，最近愈嚟愈頻密，唔知係咪中風先兆？」她沒其他神經系統病徵，也堅稱沒壓力。身體檢查完全正常。
我解釋，這頭皮發麻最常見原因乃焦慮不安，即情緒影響。「真係㗎？」她突然如釋重負，隨後，壓抑的情緒釋放出來了。診症過程是藝術，先取得病人信任，再下引子，引導病人說出真正答案。
「其實我都唔知做人為乜……」她淚水決堤。我隨手遞上了紙巾。現在幾乎每天都有病人在我面前落淚，枱面必備一盒紙巾。
她擔任行政工作，最近3年壓力甚大。前幾年經歷離婚、父親去世，情緒大不如前。她未有輕生念頭，一直保持工作。父母一向關係不好，她從小已習慣觀看父母臉色，盡量遷就別人，怕影響身邊的人。如此一直習慣了被身邊人的情緒牽着走，失去了自己。那一句「唔知做人為乜」，便較容易理解。
我：「感覺難受時，會同邊個講？」女士：「都唔敢出聲，唔會同阿媽講啦，費事佢擔心。唯有同寵物訴說，可惜心愛嘅狗喺6年前去世，唔敢再養，怕傷心。」她再一次落淚。工作也非她感興趣的，奈何為了生計，唯有一直堅忍。
我問：「如果可以選擇，你會做咩工作？」她不假思索回答：「同動物有關嘅工作。假期時，個個都去日本，我就去非洲，一邊吸取能量，一邊睇動物。」
我：「其實能量一直喺你裏面，只係被家庭、環境禁制。而家不妨嘗試改變一下。首先，釋放眼淚，容許自己表達情緒，畀心靈騰出空間盛載多啲開心嘅嘢。然後，嘗試先考慮自己嘅諗法，唔使永遠考慮其他人嘅眼光。第三，勤力練習放鬆技巧（例如靜觀）。身體知道你有改變，就唔需要用病徵去提醒你。」
最後，沒有開藥。她潛藏的能量，就是最好的藥。離開時，女士腳步輕快多了。
作者為家庭醫學專科醫生

[信健康] 引發潛藏能量免食藥，醫生資訊要留意！【更多健康資訊：health.hkej.com】